Сарыал

Ыам ыйын 22 күнүгэр, Саха сиригэр Ньукуолун уонна Сайылык күнүн чэрчитинэн Үөдэй нэһилиэгэ тыа сирин түөлбэтин дьаһалтата, «Сарыал» сынньалаҥ киинэ уонна олохтоох библиотека буолан сыһыы мунунан сыспай сиэллээҕи дэлэтэр, хонуу муҥунан хороҕор муостааҕы элбэтэр Сиэр-Биэ, Тоҥ-Бас сайылыктарынан сырыттылар.
Бу күн нэһилиэкпит баһылыгын солбуйааччыта Михаил Васильевич Николаев эҕэрдэ тылыттан саҕаланна. Самаан сайын салаллыытын ыам ыйдааҕы туому, баҕа санаа эриэккэһин этэн салама баайан, тоҕус добун хамсаныыны оҥордулар. Библиотека кинигэ бэлэх уунна ону тэҥэ саха төрүт оонньууларын оонньоон, ыллам ырыа ылланна, илии — илииттэн ылсан, тоҥолохтон тайансан саха таптыыр үҥкүүтүн оһуохайынан түмүктэннэ. Сайылык дьоно минньигэс астаах сандалы тэрийэн үөрүүлэрин тэҥҥэ үллэстиннилэр.
Кэлбит сайыммыт илгэлээх быйаҥнаах буоллун!

Ньукуолун күнүнэн,

Самаан сайын кэлбитинэн,

Илгэ быйаҥ саҕаламмытынан,

Чээл күөх окко үктэммиппитинэн,

От – мас чэлгийбитинэн.

Айхал – мичил буоллун!

Үөрүү – көтүү эҥээрдээх,

Дьол – соргу тулалаах,

Ылсыбыккытын ыпсарар,

Туппуккутун тупсара сылдьыҥ диэн –

Алгыспытын тиэрдэбит!