Сарыал

Сэтинньи ый 23 күнүгэр Российскай Федерация композитордарын Сойууһун чилиэнэ, Саха Республикатын үтүөлээх деятеля, Нам улууһун, Үөдэй, Никольскай нэһилиэктэрин Ытык киһитэ Василий Алексеевич Зырянов аатынан
Үөдэйдээҕи хор төрүттэммитэ 35 сылын,
«Народнай» ааты ылбыта 10 сылын бэлиэтиир үөрүүлээх тэрээһиннэр буоллуллар.
«Ийэҕэ Албан аат» түмэлигэр «Көмүс дорҕоон түһүлгэтэ» Василий Алексеевич олоҕун уонна норуодунай хору сырдатар быыстапка тэриллиннэ, «Ыра санаа дуорайар дорҕооно» — хор инники кэскилин торумнуур төгүрүк остуол буолла. Истиҥ кэпсэтиини иилээн-саҕалаан ыытта Үөдэйбит нэһилиэгин Ытык сүбэһитэ, түмэл салайааччыта Алексей Дмитриевич Яковлев. Төгүрүк остуол түмүгүнэн хор инники сайдыытыгар санаалар этилиннилэр уонна былааннар бигэргэтилиннилэр.
Ол кэннэ И.Н. Зырянов аат. КСК Норуодунай хор үбүлүөйдээх кэнсиэрэ «Көтөллөр ол көмүс дорҕооннор» буолла. Ырыа кэрэ киэһэтин киэргэттилэр хор бастыҥ, холобур оҥостор ырыаһыттара, «Сайаара», «Эҥсиэли» вокальнай ансаамбыллар. Үөрүүлээх дьоро киэһэбит үбүлүөйдээх минньигэс туордунан түмүктэннэ!
Норуодунай хор кыттыылаахтарыгар барҕа махталбытын тиэрдэбит.
Дьиэ кэргэҥҥитигэр байылыат олоҕу, үлэҕитигэр үрдүк ситиһиилэри,
Толкуйдаабыккыт тобулуннун,
санаабыккыт сатаннын!
Өссө төгүл эҕэрдэ
уонна махтал!!!