Сарыал

Тохсунньу 28 күнүгэр М.К. Аммосов аатынан култуура уонна духуобунас сайдыытын дыбарыаһыгар 2022 сыл түмүгүнэн уус уран самодеятельноһын улуустааҕы «УРУЙДАН-АЙХАЛЛАН, ЭҤСИЭЛИ, НАМ СИРЭ» фестивалын гала-кэнсиэрэ буолан ааста. Бу фестиваль Россияҕа Культурнай наследие, Саха сиригэр Ийэ сылыгар, САССР төрүттэммитэ 100 сылыгар, государственнай уонна политическай деятель М.К.Аммосов төрөөбүтэ 125 сылыгар, олоҥхоһут Е.Г. Охлопков-Буоратай 125 сааһыгар, самодеятельнай композитор З.П.Винокуров 100 сылыгар ананна. Ол курдук бастакы группа нэһилиэктэригэр 6 нэһилиэктэн:
I миэстэ — Аппааны нэһилиэгэ;
II миэстэ — Хамаҕатта нэһилиэгэ;
III миэстэ — Үөдэй нэһилиэгэ, бочуоттаах миэстэлэргэ тахсан дипломнарынан, сыаналаах сертификаттарынан наҕараадаланнылар.

«Лучший оратор» номинацияны Николай Обутов, выставкаҕа «Төрүт ньыманы туттуу» номинацияны Мария Филипповна Зырянова ылан үөрүүлэрин үллэһиннилэр.
«Лучший костюм» номинация Үөдэйдээҕи В.А.Зырянов аатынан «Сарыал»сынньалаҥ киинигэр тигистэ. Фестивальга кыттыбыт бар дьоммутугар улахан махталбытын тиэрдэбит. Өрүү маннык кыттаргытыттан үөрэбит, киэҥ туттабыт! Куруутун биир сомоҕо буолан Үөдэйбит аатын ааттата туруоҕуҥ!