Сарыал

Ыам ыйын 7 күнүгэр сарсыардаттан Кыайыы скверыгар Кыайыы ырыалара ньиргиччи холбоннулар. Бэлиэ күн үгэс быһыытынан Кыайыы 81 сылын көрсөр киэргэммит колонналар «Ийэҕэ албан аат» түмэлиттэн саҕалаан нэһилиэк устун Кыайыы скверыгар диэри күргүөмүнэн хаамтылар. Кыайыы скверыгар Миитин З.П. Саввин аатынан Үөдэй орто оскуолатын үрдүкү сүһүөҕүн кылааһын уолаттара Кыайыы Знамятын, Өрөспүүбүлүкэбит, улууспут уонна нэһилиэкпит былаахтарын күөрэччи тутан киллэрэн уонна Улуу Кыайыыны уһаансыбыт ветераннарбытыгар өйдөбүнньүк гирлянданы уурууттан саҕаланна.

Үөрүүлээх тэрээһиҥҥэ ыалдьыттаата Нам улууһун баhылыгын тыа хаhааайыстабын солбуйааччыта Филипп Васильевич Николаев, Үөдэй нэhилиэгин тыа сирин түөлбэтин баhылыга Иван Васильевич Гаврильев Үөдэйбит тыыл бэтэрээннэригэр Елизавета Николаевна Владимироваҕа, Афанасий Семенович Волковка нэһилиэкпит, улууспут Эҕэрдэ суруктарын туттардылар. Үөдэй нэhилиэгин Ытык сүбэ аатыттан э5эрдэ тылын эттэ бэрэссэдээтэл Александр Николаевич Ядреев. «Чуораанчык» оҕо саадын итиллээччилэрэ, Оскуолабыт үөрэнээччилэрэ, В.А. Зырянов аат. Народнай хор кыттыылаах эҕэрдэ ырыалар дьиэрэйдилэр.

Үөрүүлээх миитин кэннэ Общественноспыт балаҕаныгар Ытыктыыр дьоммутугар биир дойдулаахпыт Елизавета Михайловна Игнатьева «Айар иэйиим мин илиим иһинэн» быыстапкатын, ылбаҕай — ырыатынан, үҥкүүтүүнэн, бэлэх уунна минньигэс астаах сандалы убаастыыр дьоммутугар, бэтэрээннэрбитигэр тэриллиннэ. Тэрээһин арыллыытын Дария Михайловна — Даурия Сиэллээх Сэгэйэ алгыһынан саҕаланна, нэһилиэкпит уус- уран самодеятельноһын кыттыылаах эҕэрдэ ырыалар дьиэрэйдилэр кыттыыны ыллыллар: Мария Филиппова, «Эҥсиэли» эр дьон вокальнай ансаамбыла уонна Үөдэйбит нэһилиэгин Екатериналара ахсыа буолан «Катюша» ырыаны ыллаан сэргэхситтилэр.
Үөрүүлээх тэрээһин оһуокайынан түмүктэннэ.

«Ким да умнуллубат, туох да умнуллубат!»