Сарыал

«Ай — тыл» фольклорнай бөлөх

Олоҥхо декадатын чэрчитинэн Сэтинньи 26 күнүгэр, Нам улууһун айымньылаах тыллаах
«Ай-Тыл» фольклорнай бөлөх кэлэн «Олоҥхо ыллыгынан айан» диэн Истиҥ көрсүһүүгэ ыҥыран 2022c. Үөһээ Бүлүүгэ ыытыллыбыт Олоҥхо ыһыаҕын бөлөҕүнэн толорууга 3 үрдэл хаһаайыттара, биир дойдулаахпыт СССР суруйааччыларын союһун чилиэнэ, олоҥхоһут Егор Герасимович Охлопков — Буоратай «Алантай Боотур» олоҥхотуттан быһа тардан толордулар, ону тэҥэ Норуот ырыатын, чабырҕаҕы, дэгэрэҥ ырыаны — тойугу, хомус дьүрүскэн тыаһын бэлэх ууннулар!

ВЕРА ЦЫПАНДИНА, САХААЙА КОЛОДЕЗНИКОВА, МАРИЯ АРГУНОВА,
НЬУРГУСТААНА ЛЕБЕДЕВА, ГЕННАДИЙ ИГНАТЬЕВ.

Саха Өрөспүүбүлүкэтигэр Олоҥхо декадатын чэрчитинэн Ахсынньы 3 күнүгэр Үөдэйбит нэһилиэгэр 2022 сыл «Дьырыбына Дьырылыатта кыыс бухатыыр» Нам улууһун Бастыҥ олоҥхо толорооччута
Яна Нюргусова ыалдьыттаан ааста. Үөһээ — Бүлүүгэ ыытыллыбыт Олоҥхо ыһыаҕар Гран — при хаһаайката. 2022 с. Саха Өрөспүүбүлүкэтин Олоҥхо национальнай кэмитиэтин Ил Дархан бириэмийэтинэн «Бастыҥ олоҥхо толорооччута» анал аат хаһаайката Үөдэй чулуу ыанньыксытын Ленин ордена, икки Кыһыл знамя орденнарын кавалера, үлэ тыыл ветерана Дмитрий Тимофеевич Аргунов сиэнэ Яна Нюргусова.

П.П. Ядрихинскай — Бэдьээлэ «Дьырыбына Дьырылыатта кыыс бухатыыр» олоҥхотуттан иһитиннэрдэ. Өбүгэлэрбит са5аттан кэлбит абыланнаах олоҥхо тылын, тохтор тойугун илэ истэн дуоһуйдубут!

Кэлбит ыалдьыттарга, көрөөччүлэргэ алаадьылаан көрүстүбүт