Сарыал

Алтынньы 29 күнүгэр  «ТҮМСЭР КҮН»  Култуура уонна спорт эйгэтэ саҥа үлэ сезонун арыйар үөрүүлээх тэрээһин ыытылынна.Ону тэҥэ Россия үрдүнэн «Аҕа  күнүн»  бэлиэтээн аастыбыт,  дойдуларын туһугар быстах хомуурга хабыллан барбыт биир дойдуулаахтарбытыгар аахсыйа кэнсиэр ыыттыбыт. 

Бу күн, Үөдэй нэһилиэгиттэн төрөөбүт дойдубут туһугар мобилизацияланан барбыт эр хоһуун  уолаттарбытыгар анаан санаабытын түмэн, бары бииргэ буолан «Санаа күүһэ» диэн салама баайыытыгар кыттыыны Үөдэйбит дьоно-сэргэтэ  ыллылар. Быстах хомуурга барбыт дьоммутугар анаан уопсайа 30 тыһ.солкуобай көмө харчы киирдэ.

Кэнсиэрбитигэр айар куттаах нэһилиэкпит дьоно-сэргэтэ көхтөөх кыттыыны ыллылар. Ол курдук ылбаҕай ырыаларын бэлэхтээтилэр  Саха Өрөспүүбүлүкэтин култууратын туйгуна Ирина Неустроева, биир дойдулаахтарбыт Татьяна Гаврильева, Петр Аргунов, З.П.Саввин аатынан Үөдэй орто оскуолатын коллективын «Сайаара», «Чуораанчык» оҕо саадын коллективын «Ай-талаана» вокальнай ансаамбыллара, нэһилиэк эр хоһууннара уонна 5-с нүөмэрдээх баһаарынай чаас хорсун хоодуот эр дьонун ансаамбыла. Ону тэҥэ Геннадий Игнатьев салайааччылаах «Татыйык» фольклорнай бөлөх кыргыттара, Г. Игнатьев хотугулуу хомуһунан дьүһүйүүтэ кэнсиэри киэргэттилэр. Үҥкүү куттаах далбардарбыт Саха Өрөспүүбүлүкэтин култууратын туйгуна  Эдуара Сергеева салайааччылаах «Ымыйаана», Г.Игнатьев салайааччылаах «Күбэйэ» үҥкүү бөлөхтөрө тупсаҕай үҥкүүлэри бэлэхтээтилэр. Талааннаах ыччаппыт Иван Ядреев Эдуара Сергеева туруорбут «Булчут»үҥкүүтүн, оскуола оҕолорун «Саабын сыдьааннара» «Сахам сирэ-мин дойдум» үҥкүүлэрин бэлэхтээтилэр. Үөдэйбит талааннаах далбардара Мотрена Николаевна Мохначевская тикпит кэрэ көстүүлээх сахалыы таҥас коллекциятын, Мария Филипповна Зырянова туос оҥоһуктарын дьон дьүүлүгэр таһаараннар көрөөччү үрдүк сыанабылын ыллылар.

«Түмсэр күҥҥэ» кыттыбыт бар дьоммутугар барҕа махтал тылларын аныыбыт. Куруутун маннык түмсүүлээх, көхтөөх буоларгытыттан киэҥ туттабыт!