Сарыал

Бүгүн ол эбэтэр Алтынньы 28 күнүгэр Нам улууһун, Хамаҕатта нэһилиэгэр, «Түһүлгэ» норуот айымньытын киинигэр «Эдэрдии сайаҕас дууһаҕын кырдьарга үөрэтэ сатаама» 45 саастарыттан үөһээ аналлаах IV төгүлүн ыытыллар бөлөҕүнэн үҥкүүгэ аһаҕас куонкурус буолла, манна биһиги Үөдэйбит нэһилиэгин Далбар хотуттара, күн-күбэй ийэлэрбит, эбээлэрбит Эдуара Сергеева салайааччылаах «Ымыйаана» үҥкүү бөлөҕө «Уран уус оҥоһуга» үҥкүүнэн кыттыыны ылан, бастакы истиэпэннээх лаурет ааты ыларга ситистилэр. Инникитин баҕарыа этибит үҥкүүнү таптаан, сэҥээрэн умсугуйан дьарыктанар мааны Далбар Хотуттарбытыгар үҥкүү дьикти алыбар ылларан өссө да үрдүктэн үрдүк ситиһиилэри, күндү көрөөччүлэргэ саҥаттан-саҥа үҥкүүлэри бэлэхтииргитигэр.