Үүммүт сыл биһиги нэһилиэккэ биир улахан суолталаах бэлиэ сылынан буолар. РФ композитордарын союһун чилиэнэ, СР культуратын, искусствотын үтүөлээх үлэһитэ, Нам улууһун, Никольскай, Үөдэй нэһилиэктэрин Ытык Киһитэ Василий Алексеевич Зырянов төрөөбүтэ 90 сааһын бэлиэтиир үбүлүөйдээх сылбыт.
- 12/02/2026
- нет
Олунньу 10 күнүгэр Дьокуускай куоракка Улууспут культураҕа управлениятын начальнига С.П.Ядрихинскай, нэһилиэкпит баһылыга И.В.Гаврильев, В.А.Зырянов аатынан “Сарыал” сынньалан киинин салайааччыта Г.Г.Игнатьев, В.А.Зырянов аатынан норуоднай хор салайааччыта М.С.Кельциева, В.А.Зырянов аатынан “Сарыал” сынньалаҥ киинин уус-уран салайааччыта М.А.Роменская төгүрүк остуол тула Василий Алексеевичпыт үбүлүөйдээх сылынан истиҥ кэпсэтиилэри ыыттылар. Г.М.Кривашапко аатынан Филармонияҕа, С.А.Зверев-Кыыл Уола аатынан үҥкүү тыйаатырыгар, Д.К.Сивцев — Суорун Омоллоон опера уонна балет тыйаатырыгар ыалдьыттаатылар. Сүрүн боппуруостарынан турдулар:
— В.А.Зырянов аатынан «Песни моей Родины» аһаҕас оҕолор хордадарын күрэҕэр тэҥҥэ үлэлэһии;
— В.А.Зырянов суруйан хаалларбыт айымньыларын сурукка тиһии;
— С.А.Зверев – Кыыл Уола аатынан уҥкүү тыйаатырын кытта тэҥҥэ үлэлэһэргэ илии баттаһыы;
— Нам улууһугар гастрол үлэтин;
Уонна да элбэх боппуруостар туруорулуннулар. Инникитин тэҥҥэ үлэлэһиэхпит, элбэх таһаарыылаах айымньылаах үлэлэр ыытылла туруохтара диэн эрэнэбит.
Бэйэбит биир улахан баҕа санаабытынан Баһылайбыт айан хаалларбыт айымньыларынан оҕолорго, улахан дьоҥҥо сборник оҥорон таһаарыы буолар.
Комментарий читателей статьи "Үүммүт сыл биһиги нэһилиэккэ биир улахан суолталаах бэлиэ сылынан буолар. РФ композитордарын союһун чилиэнэ, СР культуратын, искусствотын үтүөлээх үлэһитэ, Нам улууһун, Никольскай, Үөдэй нэһилиэктэрин Ытык Киһитэ Василий Алексеевич Зырянов төрөөбүтэ 90 сааһын бэлиэтиир үбүлүөйдээх сылбыт."