Сарыал

Сэтинньи 7 күнүгэр биһиги нэһилиэкпитигэр В.А.Зырянов аатынан «Сарыал» сынньалаҥ киинигэр нэһилиэкпит киэҥ туттар үлэһиттэрэ норуоттар сомоҕолоһууларын бырааһынньыгар олоҕуран тыа сирин үлэһит дьонугар анаммыт «Үрүҥ илгэни дэлэтэр Үөдэйбит сайылыктара» диэн олус сэргэх уонна бэһиэлэй тэрээһин буолан ааста. Күрэхпитигэр Үөдэйбит үрүҥ илгэни дэлэтээччилэрэ нэһилиэкпит сайылыктарыттан «Мохсо5оллоох», «Сиэр Биэ», «Тоҥ Бас» олохтоохторо кыттыыны ыллылар. Үөрүүлээх чааска Үөдэй нэһилиэгин тыа сирин түөлбэтин тыа хаһаайыстыбатын специалиһа Николай Андреевич Гуляев элбэх үүтү туттарбыттарга номинициялары, махтал суруктары сэмэй бэлэхтэри туттарда.
Курэххэ барыта алталыы киһилээх 3 хамаанда кытынна: «Мохсо5оллоох» сайылыга салайааччы Александр Николаевич Ядреев, «Сиэр — Биэ» сайылыга салайааччы Евдокия Ильинична Яковлева, «Тоҥ-Бас» сайылыга салайааччы Римма Эдуардовна Попова. Үс түһүмэхтээх, ол иһигэр «Э5эрдэ нүөмэрдэр», «Кердөөх эстафета»,«Сайылык кыргыттарын быыстапката». Сайылыкпыт оҕолоругар «Мин сайылыгым» уруһуй күрэҕэ ыытылынна. Айар талаан түмүгүнэн дьүүллүүр сүбэ быһаарыттынан бука барыларыгар Добун суруктар ону тэҥэ харчылаах сертификаттар туттарыллыннылар. И.Н.Зырянов аатынан спорт саалатын дириэктэрэ Екатериня Николаевна Ядреева сүүрүүлээх-көтүүлээх 7 түһүмэхтээх көрдөөх эстафета ыытта. Түмүккэ кыттааччыларга барыларыгар мэдээл туттарылынна. Бу тэрээһини баҕа санаатынан тэрийэргэ күүс-көмө буолбут инвалидтар, бэтэрээннэр сэбиэттэрин бэрэссэдээтэ Анастасия Семеновна Сысолятинаҕа В.А.Зырянов аатынан «Сарыал» сынньалаҥ киинин аатыттан барҕа махталбытын тириэрдэбит. Куруутун бу курдук сүбэ-ама биэрэ сылдьаргар баҕарабыт.
Нэһилиэкпит дьоно сомоҕолоһоммут, дойдубут бигэ туруктаах буоларын туһугар улэлии-хамсыы, айа-тута сылдьыахха инникибитигэр эрэллээх буолуохха.