Сарыал

Оҕо! Бу үгүс дорҕоонтон турар суос соҕотох тыл төһөлөөх сымнаҕастык, сылаастык этиллэрий. Кини хас ийэ, аҕа дууһатын долгуппутунан, санаатын манньыппытынан киирэр. Төрөппут эрэ барыта оҕолорун туһугар сыратын – сылбатын ыытан, дууһатын – санаатын ууран, оҕо иннэ, оҕо туһа диэн олоҕун үтүөкэн кэмнэрин аныыр, кинилэр дьоллорунан кынаттанар.

          Ыам ыйын 31 кунугэр И.Н.Зырянов аатынан культура уонна спорт дьиэтигэр, В.А.Зырянов аатынан «Сарыал»сынньалаҥ киинэ, И.Н. Зырянов аатынан спорт киинэ уонна «Саабын Сыдьааннара» оҕо хамсааһына оҕолорбутугар анаан бырааһынньык тэрийдибит. Оҕолорбутугар араас күрэхтэр буоллулар. Ол курдук  «Ырыанан дуорайар оҕо саас» ырыа күрэҕэр кырачаан оҕолорбут кэрэ куоластарын бэлэхтээтилэр, “Бэби — бум” коляска күрэҕэр нэһилиэкпит эдэр ийэлэрэ кырачаан оҕолорунаан кыттыыны ыллылар, «Остуоруйа дойдута» остуоруйа геройдарынан симэнэн кэлэн мода көрдөрдүлэр. Ону таһынан араас сэргэх оонньуулар ыытылыннылар уонна  минньигэс бэлэхтэр кэлбит оҕолорго түҥэтилиннилэр.

Күрэхтэр түмүктэринэн: «Бэби — бум» коляска күрэҕэр Софроновтар дьиэ кэргэттэрэ бастакы үрдэл үрдүк ааты ыллылар, «Остуоруйа дойдута» остуоруйа геройдарынан мода күрэҕэр Мия Роменская бастакы үрдэл, Регина Кельциева иккис үрдэл, «Ырыанан дуорайар оҕо саас» ырыа күрэҕэр Петрова Милана үһүс үрдэл, Дьяконова Аделина иккис үрдэл уонна Горохов Тимофей кыайыылааҕынан таҕыста. Маны таһынан бары кыттыбыт оҕолорбутугар туоһу суруктары уонна минньигэс бэлэхтэри туттардыбыт.

Уонна бу күн спортивнай  көрүннэргэ мас тардыһыытыгар, дартс быраҕыытыгар, кронхолл, өһөс торбоско уонна  уһуйаан оҕолоругар сүүрүүгэ, оҕолорбут күөн көрүстүлэр, күүстэрин холоннулар. Оҕолорбут бары да улаханныын – кыралыын көхтөөхтүк кыттаннар бириис бөҕө ыланнар үөрэн – көтөн тарҕастылар.

Ол курдук 5 көрүҥҥэ  күрэхтэһии түмүгэ:

Мас тардыһыыта

1м.Дыгын Дьяконов

2 м.Руслан Яковлев

3 м.Дима Давыдов

Өһөс торбос

1м.Руслан Яковлев

2 м.Дыгын Дьяконов

3 м.Дуолан Дьяконов

Кронхол

1.Степан Парников

2.Дыгын Дьяконов

3.Алим Феоктистов

Дартс

1м.Дуолан Дьяконов

2 м.Степан Парников

3м.Алим Феоктистов

Детсадтарга кыра кыргыттарга сүүрүүгэ

1 м. Алина Неустроева

2 м.Аделина

 Дьяконова

3 м.Илона Иванова

Уолаттарга

1 м.Арчылаан Сергеев

2 м.Айгылаан Сергеев

3 м.Данил Поротов

 Алын кылаас оҕолоругар сүүрүүгэ кыргыттарга

1 м.Сергучева Сарыада

2м.Львова Каролина

3м. Михалева Эльвира

Уолаттарга

1 м.Попов Эрчим

2 м.Охлопков Артем

3 м.Павлов Радомир

           Сибэкки кэриэтэ кыргыттарбытын, оноҕос курдук уолаттарбытын, оҕолорбутун, сиэннэрбитин Оҕо көмүскэлин күнүнэн  эҕэрдэлиибит, кинилэр үрдүлэригэр куруутун сырдык күн сыдьаайа тыктын, саппаҕырбат ыраас халлаан өрүү күөх буоллун!

Бары махталы кытта «Сарыал» сынньалаҥ киин коллектива.