Сарыал

Кулун тутар 6 күнүгэр, кэрэ айыл5алаах, Эҥсиэли хочотун ырыа5а ылламмыт, хоһооҥҥо хоһуллубут, Үөдэйгэ айыл5аттан айдарыылаах, Российскай Федерация композитордарын союһун чилиэнэ, Саха Республикатын искусствотын үтүөлээх деятелэ, Нам улууһун, Үөдэй, Никольскай нэһилиэктэрин Ытык киһитэ, композитор Василий Алексеевич Зырянов төрөөбүтэ 90 сылын үөрүүлээх арыллыытын күнэ тосхойдо.

Тэрээһин «Ийэҕэ Албан аат» түмэлигэр «Сүдү талааннаах композитор» Василий Алексеевич Зырянов олорон ааспыт айымньылаах олоҕун кэпсиир хаартыскаларынан выставка үөрүүлээх быһыыга-майгыга арыллынна. Түмэлбит салайааччыта Алексей Дмитриевич Яковлев сиһилии кини олоҕун туһунан сырдатта. Ол курдук, музыка эрэ эйгэтигэр буолбакка, Василий искусствоҕа эмиэ сүдү талааннааҕа билиннэ. Кэлбит дьону кэрэ уруһуйдара сөхтөрдө.

Сал5ыы «Василий Алексеевич Зырянов айымньыларын үйэтитии» төгүрүк остуолугар муһуннулар. Ол курдук, Сахабыт сирин Улуу композитордара: Кирилл Герасимов, Владимир Ксенофонтов, Сергей Зверев- Кыыл Уола аатынан үҥкүү тыйаатырын уус-уран салайааччыта Николай Петров уонна Василий Зырянов чугас дьонноро, Нам улууhун «Туллук хаара» мелодистара, коллегалара, ыҥырыылаах ыалдьыттар төгүрүк остуол тула Василий Зырянов айымньылара үйэттэн-үйэҕэ сайда, киэҥ эйгэҕэ тахсарыгар уонна кини айымньылара кинигэҕэ тиһиллэн сборник буолан кынаттанан тахсарын туһугар сүрүн кэпсэтиилэр буоллулар.

Бүгүҥҥү Василий Зырянов «Сүдү талааҥҥа сүгүрүйэн» акция — кэнсиэри киэргэттилэр:
-Галина Михайловна Кривошапко аатынан Саха Государственай филармониятын Симфоническай оркестрын “Арко Артико” струннай ансаамбыла;
-Захар Порфирьевич Винокуров аатынан Намнаа5ы о5о искусствотын оркестрын толоруутугар Василий Зырянов айымньытыттан «Туйаарыма Куо» Олоҥхо драматтан быһа тардыы;
-«Дьүөгэлэр» норуоднай вокальнай ансамбыл;
-«Намыына» вокальнай ансаамбыл;
“Туймаада” вокальнай ансаамбыл солиһа Валерий Роменский.
-“Чуораанчык” уһуйаанын “Ай-Талаана» вокальнай ансаамбыл;
-«Энсиэли» эр дьон вокальнай ансаамбыла;
-Аскалон Егоров-Өркөн Дьол;
-Василий Зырянов аатынан народнай хор.

Василий Алексеевич Зырянов төрөөбүтэ 90 сылыгар ананар “Сүдү талааҥҥа сүгүрүйэн” акция кэнсиэрбит этэҥҥэ түмүктэннэ.
Киирбит үп Василий
Зырянов айымньыларынан сборник
тахсарыгар ананыаҕа.

«Ырыа» диэн — дорҕоон. Василий Алексеевич Зырянов дорҕооно үйэ саас тухары дуорайдын! Бүгүҥҥү тэрээһиммитигэр кэлэн кыттыыны ылбыт дьоммутугар ба5арыа этибит Махтал бастыҥын, Эҕэрдэ эриэккэһин!
Сүдү талааннаах киһибит аата Үйэлэргэ умнуллубатын!