Сарыал

Эппиэтинэстээх күммүт Кулун тутар 14 күнүгэр 1-Хомустаах нэhилиэгин «Алгыс» норуот айымньытын киинигэр то5уоруhа мустубут дьонноох киэн саала5а Хор ньиргитэр ырыаларынан са5аланнылар.

Норуодунай ааты көмүскүүргэ Дьокуускай куораттан сыанабыл сүбэтэ кэлэн үлэлээтэ. Өрөспүүбүлүкэтээҕи норуот айымньытын дьиэтин араас көрүҥҥэ салаатын уонна кулууптары кытта үлэҕэ сүрүннүүр исписэлиистэр Николай Терютин, Сардаана Петровна,  Ираида Егоровна.

 Норуодунай аата көмүскэннэ! Кыра итэҕэстэри көннөрүҥ диэн сүбэ-ама быһыытынан этиини Норуодунай хор салҕыы сайдарын туһугар үөрэ-көтө ылыннылар.

«Алгыс» норуот айымньытын киинин саалатыгар ыгыччы мустубут дьон, ырыаhыттар  сыанаттан тахсыахтарыгар дылы тарҕаспакка санааларын үллэһиннилэр, дуоһуйууну биллэрдилэр. Хас биирдии ырыаhыкка, үлэһиккэ бу курдук көрөөччү тапталыттан, истиҥ сыһыаныттан, махтал тылларыттан ордук туох да суох! Инникитин даҕаны  көрөөччүнү кытта көстүбэт утаҕын ситимэ быстыбатын, ураты эйгэбит сырдык тыыннаах, уһун үйэлээх буола турарыгар баҕарабыт!