Сарыал

Алтынньы 25 күнүгэр Үөдэйбит нэһилиэгэр «Сарыаллар аарmыкmара алгысmана арылыннын!»
В.А. Зырянов аатынан «Сарыал» сынньалаҥ киинэ 2025-2026 сыллааҕы айар сезонун үөрүүлээх арыллыыта буолан ааста. Быйылгы 2025 сыл Арассыыйаҕа Аҕа дойдуну көмүскээччи, Сахабыт сиригэр Ийэ дойдуну көмүскээччи, Нам улууһугар Кыайыы, Үөдэйбит нэһилиэгэр кыайыы уонна дойдуга бэриниилээх буолуу сылынан биллэриллибитэ.
Ол курдук Улуу Кыайы 80 сылыгар аналлаах 165 Ийэ дойдубутун көмүскээбит ытык дьоннорбут ааттара үйэ саас умнуллубатын туһугар полотно Победы тигиллиннэ. Бу полотно тигиллэригэр улахан кылааттарын киллэрдилэр: «Чуораанчык» оҕо саадын, З.П. Саввин аатынан Үөдэй орто оскуолатын, олохтоох балыыһа, библиотека, КСК уонна дьаһалта коллективтара. Маны таһынан биирдиилээн бэйэлэрин кылааттарын киллэрбит нэһилиэкпит иистэнньэҥ дьонугар барҕа махтал тылларбытын аныыбыт.
Полотно П.И. Сивцев аатынан Намнааҕы историко-этнографический түмэлгэ туттарылынна. Дойдубут чиэһин көмүскүү сылдьар анал дьайыы саллааттарын күн күбэй ийэлэригэр сибэкки дьөрбөлөрө туттарыллынна. Бииргэ үлэлиир коллегабыт Анна Васильевна Иванова «СР норуот айымньытыгар кылаатын иһин» бэлиэнэн наҕараадаланна.
Быйылгы сезоммутун ханнык да сыллардааҕар кэккэ уларыйыылардаах көрсөбүт. Ол курдук быйылгы үлэ сезонугар директорынан Геннадий Игнатьев, уус уран салайааччынан Мария Роменская ананан үлэлэрин саҕалаатылар. Маны таһынан «Мичээр» үҥкүү народнай ансаамбыла филиал быһыытынан «Сарыал» сынньалаҥ киинигэр экспериментальнай бырайыагынан оҕолору үҥкүүгэ дьарыктаан саҕалаата. Онон сиэттэрэн сааһыттан хааччаҕа суох оҕолору куруһуокка киллэрии үлэтэ салҕыы ыытылла турар.
2026 сылга Россия композитордарын Сойууһун чилиэнэ, тумус туттар киһибит Василий Алексеевич Зырянов төрөөбүтэ 90 сыллаах үбүлүөйэ буоларынан сибээстээн хорбутугар эбии киллэрии үлэтэ ыытылла турар.

Бу үлэ сезонугар «Сарыал» сынньалаҥ киин иһинэн эһиэхэ анаан үлэлиэхтэрэ фольклор, ырыа, үҥкүү, театр, иис куруһуоктара. Күндү бар дьоммутун сөбүлээбит куруһуоктарга сылдьаргытыгар барыгытын үөрэ-көтө ыҥырабыт.

Үөрүүлээх киэһэбитин киэргэттилэр күндү ыалдьыттарбыт Александр Николаевич Окоемов аатынан «Мичээр» үҥкүү народнай ансаамбыла. Хоһоон кэһиилээх Татьяна Михайловна Федотова. Ылба5ай ырыанан «Саһарҕа», «Уолан», «Трио», «Гармония», «Дьиэрэй» ырыа, фольклор ансаамбыллара. Ыллам ырыалаах Вера Данилова, Мария Роменская, Андрей Эверстов, Лилиана Охлопкова, Мария Кельциева, Маргарита Охлопкова. Кэрэчээн современнай үҥкүүлээх Аделина Дьяконова. Көрү-нары көҕүлүттэн туппут театральнай куруһуок кыттыылаахтара.

В.А. Зырянов аатынан «Сарыал» сынньалаҥ киинэ 2025-2026 сыллааҕы айар сезонун арыйар үөрүүлээх түһүлгэтигэр кэлэн күндү көрөөччү буолбуккутугар уонна кыттыыны ылбыт дьоммутугар барҕа махтал тылларбытын аныыбыт!
Махталы кытта «Сарыал» сынньалаҥ киин коллектива