Сарыал

Олохтоох библиотека уонна В.А. Зырянов аатынан «Сарыал» сынньалаҥ киин тэрийиитинэн Төрөөбут тыл, сурук – бичик күнүн чарчитинэн «Саргы – дьаалы Сахам тыла, Айхал – алгыс Сахам тыла» тэрилтэлэр икки ардыларыгар булугас өйдөөхтөр күрэхтэрэ буолан ааста. Кыттыыны ыллылар:  “Чуораанчык” о5о саадын коллектива, З.П.Саввин аатынан оскуола коллектива, Е.И.Кондакова аатынан олохтоох балыыһа уонна баһаарынай чаас коллективтара, Олохтоох дьаһалта, И.Н. Зырянов аатынан спорт дьиэтэ уонна МАУ коллективтара. Биэс түһүмэҕинэн буолла. Бастакынан “Өс хоһоон – норуот мындыр толкуйа» — (өс хоһооннору ситэрэн биэрии

иккиһинэн “Ырыа аргыстаах” – (көппүт ырыа тылларын туруоран биэрии) үсүһүнэн Былатыан Ойуунускай аатынан Саха тыйаатыра 120 сыла – (саха  тыйаатырын туһунан ыйытыктар) төрдүһүнэн “Харысхал” – (саха оһуордарын ааттарын таайыы) бэсиһинэн Саха киинэтэ – (сахалыы киинэ саҥаларын истэн киинэ аатын таайыы) уонна алтыс түһүмэх Венгворд – (саха суруйааччыларын псевдонимнарын таайыы). Хас биирдии хамаанда олус астынан, умсугуулаахтык түһүмэх ахсын кииристилэр. Күрэх түмүгүнэн бастакы миэстэҕэ уонна Саха тыйаатырын билиэтинэн наҕараадаланнылар Е.И.Кондакова аатынан олохтоох балыыһа уонна 5 нуөмэрдээх баhаарынай чаас коллективтара, иккис миэстэҕэ тахсан «Айар»  кинигэ кыһатын кинигэ туттулар. З.П.Саввин аатынан оскуола коллектива. Уонна иккэн тэҥ баалы ылан үһүс бочуоттаах миэстэҕэ Олохтоох дьаһалта, “Чуораанчык” о5о саадын коллективтара таҕыстылар.

Барҕа махталбытын тиэрдиэхпитин баҕарабыт бу тэрээһиммитигэр күүс – көмө буолбут спонсордарбытыгар П.А. Ойуунускай аатынан Академическай Саха тыйаатырыгар, С.А. Новгородов аат. «Айар»  кинигэ кыһатыгар. Бу курдук сэргэх тэрээһиҥҥэ өссө да көхтөөх кыттыыны ыларгытыгар.