Сарыал

Сэтинньи 29 күнүгэр
Үөдэй нэһилиэгэр Олохтоох библиотека дьиэтигэр, «Олоҥхо дойдугар айан» «Сарыал» сынньалаҥ киин уонна олохтоох библиотека холбоһуктаах, олоҥхобут декадатын түмүктүүр оҕолорго аһаҕас урок буолан ааста.
Олоҥхо — норуот тылынан уус-уран айымньытын чыпчаала. Киһи олоҥхону аахтаҕына, иһиттэҕинэ кэрэтик саҥарарга, олоҥхо тылын өйдөөтөҕүнэ, мындырдаан толкуйдуурга, ис хоһоонун биллэҕинэ, сөптөөхтүк дьаһанан олорорго үөрэнэр. Онон бу улуу айымньы киһиэхэ бары өттүнэн үчүгэйи оҥорор.

Кыттыыны ыллылар З. П. Саввин аатынан Үөдэй орто оскуолатын үөрэнээччилэрэ. Чуолаан 7,8 кылаастар кыттыыны ыллылар. Ону таһынан биһиги биир дойдулаахпыт, Намныы оһуохайы тарҕатааччы Петр Егорович Федотов оҕолорго тэттик олоҥхо толорон, кэпсээн ааста.
Олоҥхо ис баайын истэн, тэрээһин түмүгэр оҕолор олоҥхо туһунан ыйытыктарга хоруйдаатылар. Ыйытыктар тумуктэринэн:
1 миэстэ — Павлов Радомир
2 миэстэ — Черноградская Сандаара
2 миэстэ — Татаринова Илона
Тэрээһин түмүгэр миэстэлээхтэргэ грамота, кинигэ уонна туоһу сурук туттарылынна.

Ону тэҥэ олохтоох библиотека олоҥхо туһунан бэрт интэриэһинэй кинигэлэри быыстапкалаан туруорда.

Күндү Петр Егоровичка, оҕолорбутугар, учууталларга «Сарыал» сынньалаҥ киин уонна олохтоох библиотека аатыттан барҕа МАХТАЛ тыллары аныыбыт!