Сарыал

Кулун тутар 22 күнүгэр Улуу Кыайыы 80 сылыгар, Дойду үрдүнэн Аҕа дойдуну көмүскэччи, Саха сиригэр Ийэ дойдуну көмүскээччи, Нам улууһугар Кыайыы, нэһилиэкпитигэр кыайыы уонна дойдуга бэриниилээх буолуу, сылларыгараналлаах Нам улууһун үрдүнэн ыытыллыбыт Үөдэй нэһилиэгин уус-уран самодеятельнай фестивальнай кэнсиэрэ үрдүк таһымҥа буолан ааста. Ону таһынан кулун тутар 27 күнүгэр Кыайыы олбоҕун уонна Харысхал көрүүтүн быыстапката үрдүк таһымҥа ааспыта.

Фестивальнай уус-уран самодеятельность көрүүтүн дьүүллүүр сүбэтинэн үлэлээтилэр:

1. Новиков Иван Степанович, Саха Өрөспүүбүлүкэтин култууратын туйгуна, Афанасий Шестаков аатынан улуустааҕы норуот айымньытын Дьиэтин режиссера,  Москва куоракка ыытыллыбыт 2005-Бүтүн Россиятааҕы “Салют  Победы” норуот айымньытын фестивалын лауреата, Улуу Кыайыы 80 сылыгар аналлаах Нам улууһун Кыайыы парадын театрализованнай дьүһүйүүтүн кылаабынай режиссера,  дьүүллүүр сүбэ бэрэссэдээтэлэ.

2. Орлова Сахаяна Афанасьевна, Саха Өрөспүүбүлүкэтин култууратын туйгуна, улуустааҕы култуура уонна духуобунай сайдыы управлениетын специалиһа.

3. Захарова Сардана Михайловна, Саха Өрөспүүбүлүкэтин култууратын туйгуна, Захар Порфирьевич Винокуров аатынан Намнааҕы оҕо ускуустубатын оскуолатын Хамаҕаттатааҕы филиалын фортепиано кылааһын  преподователэ.

4. Григорьева Мария Степановна – Маайа, Афанасий Шестаков аатынан улуустааҕы норуот айымньытын Дьиэтин фольклорга специалиһа, «Нам кылыһах»  төрүт дорҕоон бөлөҕүн салайааччыта.

5. Винокуров Павел Архипович, Афанасий Шестаков аатынан улуустааҕы норуот айымньытын Дьиэтин  «Ньургуһун» үҥкүү-хор народнай ансаамбылын балетмейстера.

Уопсайа фестивальга 14 нүөмэр туруоруллубута.

1. «Кыайыы кынаттаах, албан аат аргыстаах» — Саха суруйаачыларын хоһооннорунан литературнай  монтаж.
2. «Кыайыы тойуга»
3. «Сайылык оонньуулара»
4. «Чабыгырыыр чабырҕахсыттар»
5. Саха төрүт инструменнарын бөлөҕө
6. «Тальяночка» үҥкүү
7. “Биэс уолаттарым” соло
8. “Майский вальс” ыччат үҥкүүтэ
9. “Матушка земля” үҥкүү
10. “Үлэнэн кыайыыны уһансан” – Айталаана вок. анс.
11. “Верните память” үҥкүү
12. “Ветераннар” – Энсиэли эр дьон анс.
13. “Мөлүйүөн” – В. А. Зырянов аат. НХ
14. “Хайыһар” – В. А. Зырянова аат. НХ

Бу кыттыбыт нүөмэрдэртэн икки нүөмэр талыллан түмүктүүр гала кэнсиэргэ муус устар 6 күнүгэр Афанасий Шестаков аатынан улуустааҕы норуот айымньытын Дьиэтигэр кыттыыны ылан кэллилэр. Фестиваль түмүгүнэн «Лучший хоровой коллектив» уонна «Лучший произвольный танец» анал ааттар хаһаайыттара уонна уопсай түмүккэ Үөдэй нэһилиэгэ 3-с степеннээх лауреат үрдүк ааты ылбыппытынан итии-истиҥ эҕэрдэ!

Ырыа-тойук аргыстаах Үөдэйбит дьонугар-сэргэтигэр, күндү кыттааччыларбытыгар, бар дьоммутугар уус-уран самодеятельность көрүүтүгэр көхтөөх кыттыыны ылбыккытынан, олбох тикпит, харысхал оҥорбут далбар хотуттарга, үҥкүүнү туруорбут Екатерина Дмитриевнаҕа, хору бэлэмнээбит Афанасий Иннокентьевичка, барыгытыгар барҕа махтал тыллары аныыбыт. Куруутун да бу курдук Үөдэйбит туһугар айыахха – тутуохха биир сомоҕо буолуохха.

  Улуу Кыайыы 80 сылын өрө күүрүүлээхтик  сомоҕолоһон бэлиэтииргэ, сэрии толоонугар охтубут, Ийэ дойдуларыгар эргиллэн кэлбит буойуттарбытын, тыылга Кыайыыны уһансыбыт бэтэрээннэрбитин чиэстиир эппиэттээх дьылга бары бииргэ түмсүөҕүҥ.

Махталы кытта «Сарыал» сынньалаҥ киин коллектива.