Бүгүн Үөдэйбитигэр «Ийэҕэ албан аат» түмэл В.А. Зырянов 90 сылын көрсө көмүс хааһахха сытар айымньыларын наардааһын үлэлэрэ ыытылыннылар.
- 12/02/2026
- 77
- нет
В.А. Зырянов 90 сылын көрсө араас хайысхалаах үлэлэр ыытыллаллар, ол курдук бүгүн олунньу 12 күнүнгэр «Ийэҕэ албан аат» түмэл салайааччыта Алексей Дмитриевич Яковлев, Намнааҕы З.П. Винокуров аатынан музыкальнай оҕо искусствотын оскуолатын уһуйааччылара Розалия Петровна Сергеева, Сардана Михайловна Захарова, улуустааҕы «Туллук хаара» мелодистар түмсүүлэрин салайааччыта Андрей Терентьевич Замятин, «Чуораанчык» оҕо саадын музыкальнай салайааччыта Туйаара Николаевна Афанасьева, Үөдэйбит нэһилиэгин олохтооҕо «Туллук хаара» мелодистар түмсүүлэрин чилиэнэ мелодист Василий Гаврильевич Николаев уонна «Сарыал» сынньалаҥ киин үлэһиттэрэ Мария Александровна Роменская, Мария Святославовна Кельциева кыттыылаах «Ийэҕэ албан аат» түмэлгэ көмүс хааһахха сытар айымньыларын: хоровой, инструментальнай оркестрга, балет, олоҥхо партитураларын хайысханан наардааһын буолла. Инникитин электроннай вариаҥҥа түһэрэргэ үлэ ыытыллыаҕа. Сүдү киһибит суруйан хаалларбыт айымньыларын дьоҥҥо сэргэҕэ сырдатыы, билиһиннэрии үлэтэ ыытыллыаҕа.
Комментарий читателей статьи "Бүгүн Үөдэйбитигэр «Ийэҕэ албан аат» түмэл В.А. Зырянов 90 сылын көрсө көмүс хааһахха сытар айымньыларын наардааһын үлэлэрэ ыытылыннылар."