Сарыал

       Сэтинньи 6 күнүгэр Сарыал сынньалаҥ киин уонна олохтоох библиотека үлэһиттэрэ интернат иитиллээчилэригэр  «Сомоҕолоһуу» уонна «Байанай» ыйыгар аналлаах сэргэх тэрээһин ыыттыбыт. Тэрээһин алгыстан, байанай сиэриттэн-туомуттан саҕаламмыта. Ол кэнниттэн оҕолор 5 хамаандаҕа арахсан, станцияларынан күрэхтэспиттэрэ. Бастакы станция: «Бэйэни билиһиннэрии» оҕолор аат-суол толкуйдаан бэйэлэрин билиһиннэрбиттэрэ. Иккис станция: «Пазл таҥыыта» манна биллиилээх дьон памятниктарын пазлынан таҥан таһааран кимин быһаарбыттара. Үһүс станция: «Төрөөбүт дойдум-Сахам сирэ» тапталлаах дойдубут туһунан вопростарга эппиэттээбиттэрэ.Төрдүс станция: «Өс хоһооннор» о5олор таблицаны көрөн кистэнэ сытар өс хоһооннору таайбыттара. Бэһис станция: «Көппүт тыллар» Россия гимныгар көппүт тыллары суруйан, ситэрэн биэрбиттэрэ. Алтыс станция: «Таай» кроссворд таайбыттара. Сэттис станция: «Эйэ холууба» манна оригами техникатынан холууптары оҥорбуттара. Оҕолор бары көхтөөхтүк астына күрэхтэстилэр, билбэтэхтэрин биллилэр. Кыайыылаах хамаандаларга диплом уонна бириистэр туттарылыннылар.