Сарыал

Сэтинньи 19 күнүгэр
Үөдэй нэһилиэгэр В. А. Зырянов аатынан «Сарыал» сынньалаҥ киинигэр, доруобуйаларынан хааччахтаах декадаларын чэрчитинэн Нам улууһун иһинэн ыытыллыбыт «Иһирэх ийэ» диэн ийэлэргэ аналлаах конкурус буолан ааста.

Уопсайа 7 кыттааччы: Үөдэй нэһилиэгиттэн — Платонова Зоя Дмитриевна, Хатырык нэһилиэгиттэн — Попова Светлана Ивановна, Хамаҕатта нэһилиэгиттэн — Ядреева Светлана Владимировна, Бөтүҥ нэһилиэгиттэн — Соловьева Александра Афанасьевна, 1 — Хомустаах нэһилиэгиттэн — Кривошапкина Вера Ивановна, Хатыҥ-Арыы нэһилиэгиттэн — Чирикова Мария Степановна, Нам нэһилиэгиттэн — Охлопкова Варвара Аркадьевна кыттыыны ыллылар. Манна көрдүбүт ийэлэр талба талааннарын, хомоҕой тылларын, ураты көрүҥнэрин.
Маны тэҥэ дьүүллүүр сүбэ түмүк таһаарар кэмигэр тэттик викторинаҕа хоруйдаатылар.
Конкурус түмүгүнэн «Хомоҕой тыллаах иһирэх ийэ» үрдүк ааты ылла Бөтүҥ нэһилиэгиттэн — Соловьева Александра Афанасьевна, «Талба талааннаах иһирэх ийэ» — Хатырык нэһилиэгиттэн Попова Светлана Ивановна, «Кэрэ» көстүүлээх иһирэх ийэ» — Нам нэһилиэгиттэн Охлопкова Варвара Аркадьевна үрдүк ааттары ыллылар.

Ону тэҥэ «Ийэҕэ албаан аат» түмэлигэр экскурсияҕа сырыттылар.

Күндү кытта кэлбит доруобуйаларынан хааччахтаах дьон түмсүүтүн сэбиэтигэр истиҥ көрөөччулэрбитигэр «Сарыал» сынньалаҥ киин аатыттан барҕа МАХТАЛ тыллары аныыбыт!