Сарыал

Сарыал сардаҥата тахсыыта,
Хомуһуннаах Хомус тыаһа,
Алгыс буолан сырдаттын ийэ сирбитин!

🤩 «Кулууп угуйар, сырдыгынан сыдьаайа» быйылгы үлэ сезонун арыйар уонна Ийэ күнүн көрсө үс нэһилиэк холбоһуктаах култуура кииннэрэ, ол курдук Дмитрий Кривошапкин аат. «Хомус» фольклор дьиэтэ, «Алгыс» норуот айымньытын киинэ Василий Зырянов аат. «Сарыал» сынньалаҥ киинэ, ону тэҥэ нэһилиэк самодеятельноһын кыттыылаах кэнсиэрэ буолан ааста.

Хас биирдии нэһилиэккэ өр сылларга уус уран самодеятельноска кыттыбыт дьонноругар
«Ветеран художественной самодеятельности РС(Я)» түөскэ кэтиллэр бэлиэ уонна удостоверения туттарылынна. Ол курдук Үөдэй нэһилиэгиттэн өр сылларга Василий Зырянов аатынан норуодунай хор кыттыылаахтарыгар Карл Игнатьевич Свинобоевка уонна Геннадий Иванович Игнатьевка үөрүүлээх быһыыга майгыга туттарылынна.

Дьэ, ол кэннэ бэрт сэргэх өрө көтөҕүллүүлээх тэрээһин буолан ааста. Тэрээһин үс кулууп үлэһиттэрэ «Ийэҕэ махтал» литературнай композициятынан арылынна. Кэнсиэргэ кыттыыны ыллыллар Партизан нэһилиэгиттэн «Хомус» ырыа ансаамбыла сал. Мария Аргунова, «Дьүрүл» норуодунай ансаамбыл сал. Владимир Колесов, Мария Аргунова. «Күбэйэ» үҥкүү бөлөҕө, сал. Нюргуяна Сысолятина, Мария Аргунова салайааччылаах көр — күлүү бөлөҕө, 1 Хомустаахтан Александр Окоемов аат. «Мичээр» норуодунай үҥкүү ансаамбыла сал. Татьяна Филиппова. «Сарыада» ырыа ансаамбыла, «Мэскэйдэр» көр — күлүү түмсүүтэ, «Дьиэрэй» чабырҕахсыттар бөлөхтөрө сал. Елена Руфова, Үөдэйтэн «Эҥсиэли» эр дьон ырыа ансаамбыла сал. Мария Кельциева. «Ымыйаана» үҥкүү бөлөҕө сал. Эдуара Сергеева. «Дьиэрэй» хомус бөлөҕө сал. Геннадий Игнатьев. «Үөдэй көрүдьүөстэрэ» көр — күлүү бөлөҕө.

Үс күннээҕи сонун тэрээһиммитигэр кыттыыны ылбыт дьоммутугар, истиҥ көрөөччүлэрбитигэр барҕа МАХТАЛ тыллары аныыбыт!