Сарыал

    Алтынньы 6 күнүгэр «Ийэҕэ Албан аат» түмэлигэр «Кэл, олор сэһэргэһиэх» проект буолан ааста. Быйыл өрөспүүбүлүкэбитигэр үлэ сылыгар анаан аҕам саастаахтар З.П. Саввин аатынан Үөдэй орто оскуолатын оҕолоругар нэһилиэк үлэһит дьонун туһунан сэһэргээтилэр, оҕолор ыйытыктарыгар эппиэттээтилэр. Ол кэннэ олохтоох библиотекаҕа ирэ — хоро кэпсэтэн, оонньоон көрүлээн, ыллаан — туойан сэргэх тэрээһин ааста. Ону тэҥэ нэһилиэкпитигэр  тэрилтэлэр аҕам саастаахтарбытыгар босхо хаһыат сурутуутун акциятыгар кыттыыны ыллылар, “Сарыал” сынньалаҥ киин үлэһиттэрэ өр сылларга Василий Зырянов аатынан норуодунай хор ырыаһытыгар, сыана бэтэрээнигэр Надежда Прокопьевна Неустроеваҕа алта ыйга «Эҥсиэли» хаһыакка босхо сурутууну бэлэх уунна. Алтынньы 7 күнүгэр И. Зырянов аатынан култуура уонна спорт дьиэтигэр аҕам саастаахтар алгыстарынан, сүбэлэринэн «Сылаас таҥас» акцияҕа анал байыаннай дьайыыга сылдьар биир дойдулаахтарбытыгар Зоя Дмитриевна ыйыытынан – кэрдиитинэн Үөдэйбит нэһилиэгин иистэнньэҥ Далбар хотуттара, эйэҕэс эбээлэрэ үтүлүк, кээнчэ тиктилэр.