Сарыал

Балаҕан ыйын 27 күнэ Саха Өрөспүүбүлүкэтин Судаарыстыбаннаһын күнүн көрсө Олохтоох библиотеканы кытта нэһилиэк тэрилтэлэрэ уонна общественниктара кыттыылаах «ПОЛЕ ЧУДЕС» өркөн өй оонньуута олус сэргэхтик ааста. Кыттыыны ыллылар: «Айылгы» түөлбэттэн Семен Гаврильев, Е.И. Кондакова аатынан олохтоох балыыһаттан Айталина Дьяконова,

Ититиини хааччыйар тэрилтэттэн Афанасий Винокуров, З.П. Саввин аатынан орто оскуолатыттан Иннокентий Татаринов уонна Июлия Куприянова, МТ дьаһалтатыттан, Наталья Дьяконова, Алена Матвеева, Чуораанчык оҕо уһуйааныттан Екатерина Эверстова, И.Н. Зырянов аатынан КСК Оксана Новгородова.

Күрэх үс түһүмэхтэн турда. Бастатан туран Саха сирин Судаарыстыбаннаһын күнүнэн «Үөдэй» МТ Аҕа баһылыга Иван Васильевич Гаврильев эҕэрдэтиттэн саҕаланна, күрэх үс түһүмэҕинэн тыҥааһыннаах киирсиилэр буоллулар. Күрэх полуфиналыгар Алена Матвеева, Иннокентий Татаринов уонна Айталина Дьяконова кииристилэр. Өркөн өй оонньуу түмүгүнэн «КЫЛААН КЫАЙЫЫЛААХ» анал аат хаһаайынынан ааттанна Айталина Дьяконова. Хас биирдии кыттааччы туоһу суругунан сэмэй бэлэҕинэн наҕараадаланна.

Күндү кыттыбыт дьоммутугар барҕа махталбытын тиэрдэбит. Бу курдук араас тэрээһиннэргэ өссө да кыттаргытыгар ыҥырабыт.