Сарыал

Бүгүн, сайын бастакы күнүгэр күн чаҕылыччы тыкпыт буоллаҕына, санаа өссө көтөҕүллэр, үөрүү икки бүк үрдүүр. Тоҕо диэтэххэ, бэс ыйын 1 күнэ – Оҕо көмүскэлин күнэ.

           Оҕо! Бу үгүс дорҕоонтон турар суос соҕотох тыл төһөлөөх сымнаҕастык, сылаастык этиллэрий. Кини хас ийэ, аҕа дууһатын долгуппутунан, санаатын манньыппытынан киирэр. Төрөппут эрэ барыта оҕолорун туһугар сыратын – сылбатын ыытан, дууһатын – санаатын ууран, оҕо иннэ, оҕо туһа диэн олоҕун үтүөкэн кэмнэрин аныыр, кинилэр дьоллорунан кынаттанар.

           Бу күн бырааттыы Яковлевтар ааттарынан мини паарка5а  Үөдэй нэһилиэгин олохтоох дьаһалтата , В.А.Зырянов аатынан “Сарыал” сынньалаҥ киинэ уонна И.Н. Зырянов аатынан спорт киинэ оҕолорбутугар анаан бырааһынньык тэрийдибит. Оҕолорбутугар анаан араас күрэхтэр буоллулар. Ол курдук  «Дьүрүскэн куолас» ырыа күрэҕэр кырачаан кыргыттар кэрэ куоластарын бэлэхтээтилэр, “Бэби — бум” коляска күрэҕэр нэһилиэкпит эдэр ийэлэрэ кырачаан оҕолорунаан кыттыыны ыллылар, «Яркие каникулы» уруһуй күрэҕэр оҕолорбут баҕа санааларын ойуулаан көрдөрдүлэр, “Уһун суһуох – кыыс оҕо киэргэлэ” күрэххэ 12 кэрэчээн кыргыттарбыт суһуохтарын кэрэтин көрдөрдүлэр,  “Карнавал велосипедов” билисипиэт киэргэтиитин күрэҕэр 6 тимир көлөлөөх оҕо кыттыыны ыллылар. Ону таьынан  бу күн спортивнай  көрүннэргэ хапсаҕайга, мас тардыһыытыгар уолаттарбыт күөн көрүстүлэр, күүстэрин холоннулар. Оҕолорбут бары да улаханныын – кыралыын көхтөөхтүк кыттаннар бириис бөҕө ыланнар үөрэн – көтөн тарҕастылар.

           Сибэкки кэриэтэ кыргыттарбытын, оноҕос курдук уолаттарбытын, оҕолорбутун, сиэннэрбитин Оҕо көмүскэлин күнүнэн  эҕэрдэлиибит, кинилэр үрдүлэригэр куруутун сырдык күн сыдьаайа тыктын, саппаҕырбат ыраас халлаан өрүү күөх буоллун!

Конкурстар тумуктэрэ:

Дьурускэн куолас

• 1м — Алиса Ядреева
• 2 м — Виктория Стручкова
• 3 м — Кыыдаана Зырянова

«Уһун суһуох- кыыс о5о киэргэлэ» алын суьуоххэ:

• Алеся Давыдова

Орто суьуоххэ:

• Эрика Данилова

Яркие каникулы

• 1 м — Иванова Настя
• 2 м — Зырянова Айаана
• 3 м — Дьяконова Аделина

Карнавал велосипедов

• 1 м Власий Боярин
• 2 м Михалева Вера
• 3 м Петров Ян

Бэби-BOOM:

• 1м — Мия, Мария Роменскаялар
• 2 м — Айаана, Катерина Колодезниковалар